Papa Françesku, në një takim me presidentin palestinez Mahmud Abbas, shprehu shqetësimin për statusin e Jerusalemit, al-Kuds,  pasi SHBA e njohu qytetin e okupuar palestinez si "kryeqytet" të Izraelit, pavarësisht kritikave dhe paralajmërimeve ndërkombëtare.

Të dy u takuan në Pallatin Apostolik të Vatikanit të hënën, ku Abbas informoi Selinë e Shenjtë mbi "implikimet e vendimit të SHBA" vitin e kaluar, njoftoi Agjensia Palestineze e Lajmeve WAFA.

Veprimi i Uashingtonit tronditi komunitetin ndërkombëtar, duke injoruar  kërkesën e palestinezëve që pjesa lindore e qytetit të shërbejë si kryeqyteti i shtetit të tyre të ardhshëm.

Autoriteti palestinez, në kthim, nuk njohu asnjë rol ndërmjetësues nga Uashingtoni, i cili jo vetëm që mbeti i sfiduar, por edhe rivendosi ambasadën amerikane nga Tel Avivi në al-Kuds.

Në al-Kuds gjendet kompleksi i Xhamisë së Al-Aksa, vendi  i tretë më i shenjtë i Islamit, dhe gjithashtu është me rëndësi fetare për të krishterët dhe hebrenjtë.

Gjatë takimit, "vëmendje e veçantë u rezervua për statusin e Jerusalemit, duke nënvizuar rëndësinë e njohjes dhe ruajtjes së identitetit të saj dhe vlerën universale të qytetit të shenjtë për tri fetë Abrahamike", tha një deklaratë e Vatikanit, duke iu referuar Islamit, Krishterimit dhe Judaizmit.

Vitin e kaluar, Vatikani reagoi ndaj ndryshimeve të diskutueshme të politikës së presidentit amerikan Donald Trump në Jerusalem, al-Kuds, duke thënë se "status quo" e qytetit duhej të respektohej.

Izraeli pushtoi të gjithë territorin palestinez të Bregut Perëndimor, duke përfshirë edhe al-Kudsin Lindor, në vitin 1967. Ligji ndërkombëtar e konsideron territorin të pushtuar dhe aktivitetet e ndërtimit të regjimit atje janë të paligjshme.

Abbas i tha gjithashtu Papa Françeskut: "Ne lutemi për paqe këtë sezon të Krishtlindjeve dhe ne ju besojmë", raportoi agjensia e lajmeve Anadolu e Turqisë.

Ai gjithashtu bëri një vizitë në kryeqytetin italian, Romë, ku zhvilloi bisedime me presidentin Sergio Mattarella dhe kryeministrin Giuseppe Conte mbi zhvillimet e fundit në rajon, si dhe mënyrat për të forcuar lidhjet e ndërsjellta.

SHBA 'pengesë për paqen e Lindjes së Mesme' Abbas, ndërkohë, theksoi në vërejtjet për të përditshmen italiane La Stampa se përpjekjet e SHBA nuk do të kontribuonin për paqen në Lindjen e Mesme.

"SHBA nuk mund të jetë ndërmjetësi i vetëm në Lindjen e Mesme," tha ai, sipas Press TV.

Uashingtoni nën Trumpin ka thënë gjithashtu se ka planifikuar të përgatisë një plan të ashtuquajtur "paqe" për Lindjen e Mesme, duke e përshëndetur atë si "marrëveshje të shekullit".

Plani megjithatë, thuhet se injoron kërkesat kyçe palestineze, duke përfshirë pretendimin e tyre ndaj al-Kudsit.

"Një shtet që imponon vazhdimisht sanksione ndëshkimore kundër Palestinës, nuk mund të jetë ndërmjetës. Udhëheqja amerikane është një pengesë në Lindjen e Mesme, "shtoi Abbas.

SHBA gjithashtu i dha fund kontributit të saj UNRWA, agjencisë së Kombeve të Bashkuara për refugjatët palestinezë.

"Ne nuk duam të vazhdojmë të bashkëpunojmë me administratën aktuale amerikane," tha shefi i Zyrës së Përfaqësuesit. "Ne nuk do të pajtohemi me kushtet që shkelin ligjin ndërkombëtar", shtoi ai.

Burimi : IQNA