Gazeta, duke cituar zyrtarë të paidentifikuar, tha se administrata e Presidentit Donald Trump do të shpallë vendimin.

Shtetet e Bashkuara do të shpallin Garden Revolucionare të Iranit si një organizatë terroriste, një masë e paprecedent që do të rriste presionin ndaj forcës elite, njoftoi të premten Wall Street Journal.

Garda Revolucionare u formua pas Revolucionit Islamik të vitit 1979 me një mision për të mbrojtur regjimin klerik, në dallim nga njësitë më tradicionale ushtarake që mbrojnë kufijtë.

Garda Revolucionare ka grumbulluar fuqi të madhe brenda Iranit, duke përfshirë edhe interesa të rëndësishme ekonomike.

Njësia e çmuar e rojeve është forca Kuds, Jerusalemi,  e cila mbështet forcat aleate me Iranin në rajon duke përfshirë presidentin sirian Bashar al-Assad dhe Hizbullahun e Libanit.

Administrata Trumpit  ka imponuar sanksionet gjithëpërfshirëse ndaj Iranit pas tërheqjes së vitit të kaluar nga një marrëveshje ndërkombëtare nën të cilën Teherani rrënjos në mënyrë drastike programin e saj bërthamor.

Wall Street Journal tha se Pentagoni dhe CIA kanë rezerva lidhur me këtë veprim, duke thënë se kjo do të rriste rreziqet për trupat amerikane pa dëmtuar ekonominë iraniane.