Zjarri në xhaminë e New Havenit ishte vendosur me dashje, thotë shefi i zjarrëfiksve
Me fillimin e Ramazanit, Xhamia Diyanet e New Havenit , shteti amerikan i Konektikatit, ishte një vend i mbledhjes ditore për muslimanët që ishin midis miqve dhe familjes pasi së bashku agjëronin.
Por të dielën, besimtarët morën lajme tronditëse:
Një zjarr kishte shpërthyer para orës 4:00, duke e bërë xhaminë të shkrum e hi !
Të hënën, zyrtarët e New Haven njoftuan se besonin se zjarri ishte vendosur me dashje.
"Ne jemi të tronditur", tha Haydar Elevli, president i degës së Konektikatit të Fondacionit Fetare Turko-Amerikane, që zotëron xhaminë.
"Të gjithë tani janë të trishtuar."
Motivi specifik për zjarrvënien ishte i paqartë. Nuk ka pasur arrestime dhe hetimi po vazhdon, thanë autoritetet.
Askush nuk ishte lënduar. Departamenti i zjarrfikësve të New Haven nuk iu përgjigj kërkesave të mëtejshme për komente.
Në një konferencë shtypi të hënën, ndërsa qëndronte përballë ndërtesës së trekatëshe, shefi John Alston i Departamentit të Zjarrit tha se zyrtarët federalë të zbatimit të ligjit po ndihmonin në hetimin e zjarrvënies.
Zjarrvënija erdhi në një kohë kur vendet e adhurimit kanë qenë objektiva të shpeshta.
Në mars, 51 njerëz u vranë në sulmet në dy xhami në Christchurch, Zelanda e Re, pasi i dyshuari publikoi një manifest të mbushur me urrejtje, thanë autoritetet.
Një javë më vonë, dikush vendosi një zjarr jashtë një xhamie të Qendrës Islamike në Escondido, Kaliforni, dhe grafite anti-muslimane duke iu referuar sulmeve të Zelandës së Re, thanë zyrtarët.
Po atë muaj, Qendra Islame në Hartfordin e Madh, mori një telefonatë nga dikush që kërcënoi do ta djegë, thanë autoritetet. Personi përdori sulme racore në thirrje, sipas një imami në qendër.
Organizata mëmë e xhamisë, Qendra Diyanet e Amerikës, është një organizatë jofitimprurëse e bazuar në Maryland që ofron "shërbime fetare, sociale dhe arsimore për emigrantët dhe muslimanët turq", sipas faqes së internetit të organizatës.
Gjatë viteve, xhamia e New Havenit ishte bërë një vend i lirë për t'u mbledhur familjet, me programe edukimi për fëmijët gjatë fundjavave.
Burimi : The New York Times