Një qytetar palestinez pësoi një dëmtim në kokë të Shtunën kur një turmë kolonësh ekstremistë hebrenj sulmuan fshatin Asira al-Kibliya në jug të Nablusit dhe sulmuan shtëpitë.

Sipas kryetarit të fshatit Hafed Saleh, kolonët nga vendbanimi i paligjshëm i Yitzhar sulmuan shtëpitë dhe pronat në zonën lindore të Asira al-Kibliya, por të rinjtë vendas u përballën dhe i mbrojtën ata.

Një banor lokal i quajtur Abdul-Baset Muhamed u plagos në kokën e tij kur kolonët hodhën gurë ndaj të rinjve vendas gjatë përleshjeve.

Më vonë, ushtarët izraelitë ndërhynë për të mbrojtur kolonët dhe u përleshën me të rinjtë vendas. Tokat bujqësore thuhet se morën flakë ndërsa ushtarët qëlluan intensivisht me gaz lotsjellës dhe granata trullosëse gjatë ngjarjeve.

Kolonët hebrenj vazhdimisht sulmojnë zonat palestineze në Bregun Perëndimor, ku ka mbi 200 vendbanime të paligjshme dhe dhjetëra posta të vogla policore.

Incidentet e terrorizmit dhe dhunës nga kolonët ekstremistë hebrenj kundër palestinezëve dhe pasurisë së tyre janë një dukuri e përditshme në të gjithë Bregun Perëndimor.