Grupi i Shtetit Islamik mori përgjegjësinë të enjten për një sulm që vrau afer 40 ushtarë në Siri një ditë më parë kur xhihadistët i zunë pritë një autobusi në Sirinë lindore.

Monitoruesi i luftës Observatori Sirian për të Drejtat e Njeriut tha të mërkurën ISIS-i  kishte sulmuar ushtarë të regjimit ndërsa ata udhëtonin në shtëpi për pushime në provincën lindore të Deir Ezzor, duke vrarë 37.

Ai tha se tetë oficerë ishin midis të vrarëve ndërsa 12 ushtarë të tjerë u plagosën në sulm.

Një deklaratë nga krahu propagandistik i ISIS- it, Amak tha se luftëtarët e tij  kishin "zënë pritë në një autobus që transportonte elemente apostate të ushtrisë Nusayri", duke përdorur një term nënçmues për sektin Alauit, të cilit i përket Presidenti Bashar al-Assad.

Automjeti ishte në shënjestër "me armë të rënda" dhe "pajisje të shumta shpërthyese, të cilat çuan në shkatërrimin e autobusit dhe vrasjen e gati 40 personave dhe plagosjen e të tjerëve", shtoi deklarata, sipas SITE Intelligence, e cila monitoron aktivitetet xhihadiste në të gjithë botën.

"Ishte një nga sulmet më vdekjeprurëse që nga rënia e kalifatit ISIS  (të vetëshpallur)" vitin e kaluar, tha kreu i Observatorit Rami Abdel Rahman të AFP të Mërkurën.

ISIS  pushtoi pjesë të mëdha të Sirisë dhe Irakut dhe shpalli një "kalifat" ndërkufitar në vitin 2014, përpara se sulmet e shumta në të dy vendet të çonin në humbjen e saj territoriale.