Zëvendësministrja e Jashtme e Sllovenisë, Simona Leskovar riafirmoi mbështetjen e vendit të saj për Marrëveshjen Bërthamore në vitin 2015 e  njohur si Plani i Përbashkët i Veprimit Gjithëpërfshirës (JCPOA).

Në një takim me ambasadorin e Iranit në Lubjanë Kazem Shofe'i të mërkurën, ajo iu referua takimit të ministrave të jashtëm të të dy vendeve në margjinat e sesionit të 73-të të Asamblesë së Përgjithshme të Kombeve të Bashkuara në Nju Jork, duke thënë se vendi i saj mirëpret vazhdimin dhe forcimin e bisedimeve politike midis dy vendeve.

Ambasadori i Iranit, nga ana e tij, shprehu kënaqësinë me qëndrimet parimore dhe transparente të zyrtarëve sllovenë në marrëveshje bërthamore, sidomos pas daljes të SHBA-ve nga marrëveshja, dhe bëri thirrje për përkrahje praktike dhe të besueshme nga BE-ja, veçanërisht Sllovenisë si anëtare e BE-së, për JCPOA.

Sllovenia fitoi pavarësinë nga ish Jugosllavia në vitin 1991 dhe aktualisht është anëtare e NATO-s.

Ajo është e vendosur në jug të Evropës Qendrore dhe kryeqyteti i saj dhe qyteti më i madh është Ljubljana.