Zëdhënësi i Ministrisë së Jashtme iraniane përshëndeti një marrëveshje të fundit midis qeverisë afgane dhe talebanëve për të vazhduar bisedimet e paqes.

Në një deklaratë të enjten, Said Khatibzadeh riafirmoi mbështetjen e Iranit për zgjidhje paqësore, rivendosjen e qetësisë dhe vendosjen e sigurisë në Republikën Islamike të Afganistanit.

Ai gjithashtu mirëpriti marrëveshjen e fundit për avancimin e bisedimeve të paqes në Afganistan, duke shpresuar  se fillimi i negociatave me qëllim vendosjen e një armëpushimi, e cila është një kërkesë e popullit afgan, do të rezultojë në arritjen e një marrëveshje përfundimtare dhe krijimin e një  stabiliteti i qëndrueshëm në Afganistan.

Qeveria Afgane dhe Talibanët thanë të mërkurën se kanë arritur një marrëveshje paraprake për të vazhduar me bisedimet e paqes, marrëveshjen e tyre të parë me shkrim pas  19 vjet luftë.

Marrëveshja e re që përcakton rrugën përpara për diskutim të mëtejshëm konsiderohet si një përparim sepse ajo do të lejojë negociatorët të kalojnë në çështje më thelbësore, përfshirë bisedimet mbi një armëpushim.

Marrëveshja erdhi pas disa muaj diskutimesh në Doha, kryeqyteti i Katarit.