Kur njerëzit perëndimorë kërkojnë figura frymëzuese që luftojnë kundër imperializmit, ata shpesh kujtojnë Ho Chi Minh-un, i cili luftoi kompleksin ushtarako-industrial amerikan në Vietnam.

Ata shpesh përkujtojnë një tjetër luftëtar të madh të rezistencës, Allende, i cili u vra për përpjekjet e tij për të sfiduar hegjemoninë perëndimore në Kili.

Castro dhe Guevara respektohen në Kubë, pasi ata rimorrën vendin e tyre nga ata që e shfrytëzuan atë për interesat e gangsterëve amerikanë përfitues.

Hugo Chavez ishte një tjetër socialist i vendosur për të luftuar makinën luftarake të korporatave Yankee; për t'u ofruar masave shkrim-lexim, strehim, shëndet dhe punësim.

Është një njeri tjetër, një udhëheqës tjetër revolucionar, i cili kërkon që pasuria e kombit të tij t'i përkasë njerëzve të atij kombi pa përjashtim dhe që nevojat e shumicës të jenë më të mëdha se ato të pakicave. Një tjetër udhëheqës vizionar me inteligjencë të pamasë, gjenialitet ushtarak dhe aftësi diplomatike.

Një person që mbron vendin e tij kundër armiqve të brendshëm dhe të jashtëm; një internacionalist i vërtetë, heroizmi dhe përpjekjet e të cilit do t'i fitojnë atij një vend në ndër më të mëdhenjtë e të gjithë anti-imperialistëve të shekullit 20/21!

Ende nuk mund ta merrni me mend se kush është?

E kam fjalën për gjeneral-lejtnant Kasim Sylejmanin.

Ose siç preferoj t'i drejtohem: "Commandante [Spanjisht "Komandant"] Sylejmani!"

Edhe një vështrim i përciptë në jetën e tij na jep mundësinë të sodisim një botë plot guxim, vlera morale, ndershmëri, dhembshuri, dashuri dhe durim.

Ai, ashtu si Guevara, u vra teksa ia bartte luftën armikut.

Ashtu si Allende, ai është një figurë ikonë që vazhdon të frymëzojë një kulturë të rezistencës së patrembur.

Ai ishte një luftëtar i patrembur dhe gjigant ushtarak si Ho Chi Minh.

Ashtu si Hugo Chavez, ai ishte një ndërkombëtarist që identifikoi armikun e përbashkët duke ndjekur një kauzë të përbashkët. Ndërsa Chavez kërkonte të bashkonte Amerikën Latine dhe Karaibet kundër ndërhyrjes hegjemoniste amerikane në rajon, komandanti Syleimani bëri të njëjtën gjë në Azinë Perëndimore me Hamasin, Hezbollahun; Ai e bëri këtë duke bashkuar Sirinë, Jemenin, Irakun dhe Rusinë, e cila gjithnjë e më shumë po i vjen në ndihmë Boshtit të Rezistencës.

Si një njeri që bredh lirshëm në rajon, i admiruar, i respektuar dhe i dashur nga ata që e njohin më mirë, ai e kapërceu ndarjen sektare midis persëve, arabëve, sunitëve, alavitëve dhe shiitëve për të krijuar një rrjet ndërkulturor, transnacional, bipartizan midis grupeve të rezistencës, luftëtarëve dhe udhëheqësve të rezistencës.

Ai ndihmoi në trajnimin, armatimin dhe komandimin e këtij koalicioni të ri, të cilin ai e frymëzoi për të qëndruar së bashku pa mëshirë përballë fuqisë së lartë të zjarrit dhe teknologjisë superiore.

Ai ishte një njeri nga njerëzit që kishte prioritet detyrën, familjen dhe shoqërinë.

Një kërkim i thjeshtë në internet zbulon një burrë i cili, si një djalë 13-vjeçar, la shtëpinë e tij për të ndihmuar familjen e tij për shkak të taksave të tepruara që Shahu i bëri babait të tij dhe të gjitha familjeve në rajon.

I lindur në një komunitet fisnor, ai jetonte pranë kufirit Afganistan-Iran

Pas revolucionit kulturor në 1979, qeveritë perëndimore inkurajuan liderin e atëhershëm irakian Saddam Hussein të sulmonte Republikën Islamike të sapolindur. Syleimani luftoi edhe për të mbrojtur shtëpinë, familjen dhe vendin e tij.

Kasim Syleimani iu nënshtrua sulmeve me armë kimike të ofruara nga shërbimet e inteligjencës perëndimore për forcat irakiane. Irani doli nga kjo luftë, në të cilën vdiqën më shumë se 800,000 njerëz nga të dyja anët, dhe Syleimani u bë një lider natyror falë veprimeve dhe sukseseve të tij në dhe jashtë fushëbetejës.

Raportohet se një herë, ndërsa ishte prapa linjave të armikut, kishte veshur uniformën e një ushtari të vdekur irakian, ishte infiltruar në radhët e shpërndara të ushtrisë irakiane dhe u kthye në vijën e frontit iranian me një Toyota irakiane që e kishte ndaluar pasi kishte darkuar atje! Kjo i dha atij pseudonimin 'Hajduti iToyota’!

Kjo është shenja e një luftëtari të patrembur, një karakter udhëheqës shembullor.

Syleimani luajti një rol të madh në krijimin e Boshtit të Rezistencës. Ishte një figurë shumë e rëndësishme, me ndikim, karizmatik që bashkoi shumë grupe të ndryshme të cilët nuk pajtoheshin gjithmonë, për të përqendruar forcat e këtij boshti në Izrael i cili është armiku i vërtetë i paqes dhe drejtësisë, armiku i vërtetë i të gjithëve në Azinë Perëndimore, nga Sana'a në Bejrut, nga Gaza në Damask, nga Bagdadi në Basra.

Për shkak të ndikimit të tij të madh në lëvizjet e rezistencës së Azisë Perëndimore, ai përfundimisht u shënjestrua nga një dron amerikan dhe u vra, së bashku me shokun e tij irakian, pasi u thirr me mashtrim në Bagdad.

Me sa duket, Trump kishte urdhëruar vrasjen,për shqetësimee e sigurisë izraelite dhe amerikane.

Syleimani mund të na ketë braktisur, por trashëgimia e tij e qëndrueshme me siguri do të shohë që paqja, prosperiteti dhe siguria do të kthehen më në fund në Azinë Perëndimore, të arrihet vetëvendosja palestineze dhe të rivendoset ekuilibri duke përmbysur regjimin e aparteidit në "Tel Aviv".

Kur të përkujtojmë heronjtë e mëdhenj antiimperialist të historisë moderne, le të thërrasim emrin e "Commandante Sylejmani".