Një raport i ri i përgatitur nga Qendra Kërkimore Alma e lidhur me regjimin sionist trajtoi shqetësimin në lidhje me faktin se Sekretari i Përgjithshëm i Hezbollahut, Sayyid Hasan Nasrallah po përgatitet për një konflikt me regjimin sionist.

Raporti i kësaj qendre paralajmëroi se Hezbollahu po zhvillon aftësi nëntokësore në Liban, duke përfshirë gërmimin e një sërë tunelesh pranë kufirit të pushtuar palestinez.

Në raport thuhet se: “Në konfliktin e ardhshëm me Izraelin, Hezbollahu me shumë gjasë do të shkaktojë një goditje të rëndë dhe të papritur duke përdorur armë, kërcënime dhe metoda që nuk i ka përdorur kurrë më parë, duke minuar besimin e ushtrisë dhe duke ndikuar në perceptimin publik të Izraelit.”

Ky raport vuri në dukje se një nga surprizat që Sayyid Nasrallah përgatiti për konfliktin e radhës ishin “tunelet e gërmuara nën vendbanimet izraelite ose objektet e sigurisë të cilat për shkak të fuqisë së madhe shkatërruese që do të kishin, do të shkaktonin dëme të konsiderueshme në momentin e shpërthimit”.

Në artikull po ashtu thuhet se: “Sipas mendimit tonë, tunelet e 'terrorit' të mbushura me eksploziv janë një nga kërcënimet dhe surprizat që mund të priten në një konflikt të ardhshëm me Hezbollahun. Kërcënimi i tuneleve të 'terrorit' është një shtresë tjetër e infrastrukturës nëntokësore 'Toka e tuneleve' të Hezbollahut në Liban, e cila përbëhet nga tunele sulmi, tunele infrastrukturore dhe tunele strategjike.”

Sipas qendrës kërkimore, “Këto tunele janë plot me eksplozivë dhe kalojnë nën një komunitet, objekt sigurie ose vendndodhje gjeografike. Tuneli është i mbushur me tonelata eksplozivi, i mbyllur dhe i aktivizuar në një moment të caktuar.”

"Përdorimi i këtyre tuneleve shkakton shkatërrim të konsiderueshëm. Për shkak të fuqisë së tyre të madhe dhe vendndodhjes nëntokësore, eksplozivët në tunele të tillë krijojnë një efekt tërmeti ndryshe nga bombat ose raketat e lëshuara nga ajri dhe për këtë arsye mund të shkatërrojnë një komunitet ose një objekt të tërë."

Në raportin e qendrës gjithashtu theksohet se “nuk ka informacion konkret në lidhje me tunele të tilla, por është e vështirë të besohet se Hezbollahu do të heqë dorë nga aftësitë e tilla vdekjeprurëse në luftën e ardhshme”.

Raporti shton se: “Tunele si këto mund të ndihmojnë Unitetin e Vendosmërisë së Hezbollahut të marrë kontrollin e zonave dhe vendbanimeve në Galile.”

Ky raport paralajmëroi se: “Shumë pika dhe komunitete ushtarake izraelite përgjatë kufirit libanez e bëjnë mjaft të lehtë gërmimin e tuneleve të tilla të mbushura me eksploziv dhe vendosjen e bombave në to sipas dëshirës. Meqenëse këto tunele janë të mbyllura dhe nuk ka lëvizje në to, janë gjithashtu shumë të vështira për t'u zbuluar nga sensorët.”, duke shtuar se: “Madje, ndonjëherë nuk ka nevojë të gërmohet direkt nën objektiv dhe eksplozivët mund të groposen nën zonën afër objektivit. Fuqia e shpërthimit hedh në erë vetë objektivin, si dhe tokën dhe shkëmbinjtë pranë objektivit. Ky efekt është i ngjashëm me një cunami të tokës dhe shkëmbinjve.”

"Me planifikimin e duhur, një shpërthim i tillë mund të mbulojë një ndërtesë, një bazë ushtarake ose një popullsi të tërë në një shtresë të trashë dheu dhe në mënyrë efektive të varros këdo mbi të."