Presidenti venezuelas Nikolas Maduro ka thënë se ai do të ndërpres lidhjet diplomatike dhe politike me Kolumbinë, duke thënë se do të mbroj pavarësinë e vendit të tij nëse është e nevojshme, edhe me jetë.

Maduro u bëri thirrje mbështetësve të tij gjatë demonstratës në kryeqytet, Caracas. Maduro, i cili doli  duke valëzuar flamurin e Venezuelës, para mijëra njerëzve që kishin veshur këmisha të kuqe, që është ngjyra e partisë së tij socialiste, u prit me duartrokitje të gjata.

Duke vënë në dukje nismat kundër tij, Maduro u shpreh se ‘nuk do të dorëzohet kurr’ dhe se ‘do të mbrojë pavarësinë e vendit të tij nëse është e nevojshme, edhe me jetë’. Maduro i cili u shpreh se nuk ka frikë nga asgjë, e përshkroi Juan Guiadon si ‘kukull të SHBA-së e cila dëshiron ta kolonizoj Venezuelën’. Maduro u shpreh se: “Unë e mbroj pavarësinë e vendit të tij nëse është e nevojshme, edhe me jetë.”

Maduro kritikoi edhe Kolumbinë fqinje, e cila njihet për mbështetjen e  saj ndaj opozitës, si dhe njoftoi se ka ndërprerë lidhjet diplomatike dhe politike me këtë vend. Maduro u shpreh se: “Nuk mund ta toleroj më agresionin e qeverisë fashiste të Kolumbisë, kështu që kam vendosur të ndërpres çdo marrëdhënie me Kolumbinë”, dhe  i dha diplomatëve të këtij vendi 24 orë kohë për t'u larguar nga Venezuela.

“DJALL NË TRUPIN E NJERIUT”

Udhëheqësi i Venezuelës, për presidentin e Kolumbisë, Ivan Duque, ka thënë se është “djall në trupin e njeriut”.

Në kryeqytetin Caracas u organizua një protestë nga opozitarët. Protesta , e cila u zhvillua pranë një baze ajrore, i bëri thirrje ushtrisë që të lejonte qasjen e "ndihmës humanitare” në vend. Mijëra njerëz morën pjesë në të dy protestat, pa ndonjë përleshje.